Една година откако Зденко зад себе ги остави вечните евергрини, Хрватите во негова чест ќе организираат  голем музички настан.  Во спомен на Ручиќ, фабриката “Скалинада” организира “Вечери на Руњиќ”, од кои  првите две, на втори и трети септември ќе се одржат во Трогир.        
Селекторите Дражен Врдољак и Ивана Руњиќ (ќерката на композиторот) во Трогир го поканија врвот на квалитетот од хрватската музичка сцена, од светски признатите: Максим Мрвица и Тамара Обровац, до легендарниот  Арсен Дедиќ, Оливер Драгоевиќ,  Кемал Монтено , Мери Цетиниќ, Дорис Драговиќ, Горан Каран, Петар Грашо, Дино Дворник, клапата “Трогир”, Зорица Конџа... новите далматински бардови: Бана, Хари, Теди, Лаки... носителите на хрватскиот урбан звук: Масимо, Рундек, Урбан, Јамат, џезери како квартетот “Сенситив” и “Патетико”, се до новите хрватски квалитетни музички имиња... 
Неговото име, без сомневање, е запишано како незаборавно за  далматинското и хрватското поднебје, а неговите песни ги доживуваат  генерации и генерации, што ги слушале во изворни облици. ”Писмо чали”, ”Галеб”, ”Малинконија”, ”Скалинада”...